Caput 99

1 Psalmus in confessione.

2 Iubilate Deo omnis terra: servite Domino in laetitia. Introite in conspectu eius, in exultatione.

3 Scitote quoniam Dominus ipse est Deus: ipse fecit nos, et non ipsi nos: Populus eius, et oves pascuae eius:

4 introite portas eius in confessione, atria eius in hymnis: confitemini illi. Laudate nomen eius:

5 quoniam suavis est Dominus, in aeternum misericordia eius, et usque in generationem et generationem veritas eius.